ഹവലി ഗവർണറേറ്റിലെ ഇൻവെസ്റ്റിഗേഷൻ ഡിപ്പാർട്ട്മെന്റ് ഉദ്യോഗസ്ഥർ നടത്തിയ ഓപ്പറേഷനിലാണ് മദ്യനിർമാണ കേന്ദ്രം കണ്ടെത്തിയത്.
മൻഗഫ് ഏരിയയിലെ കെട്ടിടത്തിന്റെ താഴത്തെ നിലയിൽ മദ്യനിർമാണ കേന്ദ്രം പ്രവർത്തിക്കുന്നതായി അധികൃതർക്ക് രഹസ്യ വിവരം ലഭിക്കുകയായിരുന്നു. തുടർന്ന് അധികൃതർ രഹസ്യ നിരീക്ഷണവും അന്വേഷണവും നടത്തി. മദ്യം നിർമിക്കാനുള്ള ഉപകരണങ്ങളും അസംസ്കൃത വസ്‌തുക്കളും സ്ഥലത്ത് നിന്നും കണ്ടെത്തി. തുടർന്ന് മൂന്നു പ്രവാസികളെ റെയ്‌ഡിനിടെ അറസ്റ്റ് ചെയ്തു. അടുത്തിടെ കുവൈത്തിൽ വിഷമദ്യ ദുരന്തത്തിൽ ഇന്ത്യക്കാർ അടക്കം 21 പേർ മരണപ്പെടുകയും നിരവധി പേർക്ക് കാഴ്‌ചശക്തി നഷ്ടപ്പെടുകയും ആന്തരികാവയവങ്ങൾ പ്രവർത്തനരഹിതമാവുകയും ചെയ്തിരുന്നു.